نكت سريعة مضحكة جدا

تعتبر النكات من أبرز الوسائل التي يستخدمها الناس من أجل الترفيه عن نفسهم وتحسين أحوالهم المزاجية، حيث إنها تساهم في تجاوز المشاكل اليومية التي يمر بها الفرد والتي من شأنها أن تعكر عليه صفو يومه، وتنتشر هذه النكات بين الأصدقاء ونجد بأن هذه حتى ولو كانت غير مضحكة إلا أنها تنجح دائمًا في تحسين الحالة النفسية ونشر السعادة والبهجة بين الناس.

نكت سريعة مضحكة جدا

النكات قديمة كقدم الإنسان، خصوصًا وأنها كانت منتشرة في الحضارة الفرعونية والسومرية وفي الشام والعراق وخلافه، فكل الحضارات القديمة كانت تلجأ للنكات كي تحد من شدة المصاعب التي يمرون بها ولنشر البهجة والسعادة وتخفيف الأهوال عليهم.

جزار ربنا رزقه ببنتين سمى الأولى كيلو باترا وسمى التانية كيلو لحمة.
محامي راح يرفع قضية وقعت عليه.
واحد عنده طيارة هليكوبتر حب يحدثها راح شال المروحة وحط مكانها تكييف.
مرة واحد دمه فار فالقطط جريت وراه.
ممثل كبير ومشهور جاله دور برد رفضه.
اتنين مديرين راحوا البحر واحد عام والتاني غرق.
بيقولك واحدة شريرة ومبتحبش حد ولا حتى نفسها وهي ماشية اتزحلقت ووقعت على الأرض فقامت وقالت لنفسها أحسن.
مرة واحد حزين على طول اتجوز واحدة سعيدة خلفوا بنت سموها يا فرحة ما تمت.
محشش ركب الأوتوبيس شاف بنت حلوة أوي فسابها ونزل أخد نمرة الأوتوبيس.
اتنين أغبياء ماشيين في طريق وبدأوا يتخانقوا من فيهم ال هيمشي في النص.
بيقولك مرة خياط اتجوز بنت قصيرة شوية فراح فكلها التنية عشان تطول.
مرة كسلان دخل الامتحان فالقلم وقع منه فراح مسلم الورقة.
مسطول قاعد في الدرس وبيكتب من على السبورة وكان كل ما المدرس يسمح السبورة يقطع هو الورقة ويرميها.
أب بيقول لابنه نابليون وهو قدك كان بيطلع الأول على الفصل مش زيك، فرد عليه الابن وقاله ونابليون وهو قدك يا بابا كان إمبراطور.
واحد ومراته متخانقين مع بعض ومبيكلموش بعض فكتبلها ورقة مكتوب عليها صحيني الساعة ستة ونص عشان عندي شغل فصحى الساعة 11 لقى ورقة مكتوب عليها اصحى الساعة ستة ونص يلا.
بيقولك مرة واحد حبّ العصافير جت أكلته.
راجل كبير حب يطلع على المعاش فراح وقع من عليه.
ضابط مرور ربنا كرمه بولد فبقى كل ما يحب يتكلم معاه يكلمه بلغة الإشارة.
واحد أكل جوز هند فهند زعلت وراحت قتلته.
اتنين محششين واحد بيسأل التاني هو ابنك فاتح رد عليه وقاله لا غامق.
واحد دخل القهوة والقهوجي كان محشش فالزبون طلب شاي تقيل رد عليه القهوجي قاله أعمل حسابك هتيجي تشيله معايا عشان مش هقدر أشيله لوحدي.
محشش ماشي في الشارع قابل الشرطة فحبوا يقبضوا عليه وقالوا أركب العربية، رد عليهم وقالهم والله مش مستاهلة يا رجالة شكرًا البيت قريب أهو.
اتنين محششين واحد بيقول للتاني إلحق الشمس شرقت وإحنا قاعدين فالتاني رد عليه قاله إديها تشرب بسرعة انت لسة هتتكلم لحد ما تموت مننا.
واحد كتب على نمرة العربية بتاعته أبو أحمد فشرطة المرور قبضت عليه وبعد ما حققت معاه كان رده عليهم إنه من حقه يكتب أبو أحمد على نمر العربية ما أبو ظبي مش أحسن منه في حاجة.
طفل بيسأل أمه هو لية جيرانا بخلا؟ ردت عليه الأم ليه شايفهم بخلاء؟ قالها أصلهم قلبوا الدنيا عشان الطفل الصغير بلع ربع جنيه.
مريض راح لدكتور نفساني عشان يعالجه من شوية مشاكل مأثرة على نفسيته وحياته فالدكتور حب يقنعه إنه كويس وإنه مش تعبان ولا حاجة فطلب منه يكرر ويقول أنا خفيت عشر مرات وفعلًا الراجل عمل كدا، ولما جه يمشي الدكتور طلب منه إنه يحاسبه فالمريض قاله قول أنا خدت حسابي عشر مرات هتحس إني إديتك الفلوس.
ممرض دخل على المريض عشان يديله العلاج فلقى المريض نايم وحاول يصحيه بكل الطرق المريض مصحاش غير لما الممرض كب عليه الميه الساقعة، طبعًا المريض قام وهو زعلان وقاله عايز أيه فالمرض رد عليه وقاله يلا عشان دلوقتي وقت الدوا المنوم.
تلاتة ماشيين مع بعض وشافوا حفرة كبيرة كل شوية حد يقع فيها، فالتلاتة اجتمعوا عشان يشوفوا حل للحفرة دي، فالأول قال إحنا نبني مستشفى جنب الحفرة عشان ال يقع فيها يدخل المستشفى على طول، رد عليه التاني قاله لا المستشفى هتبقى غالية احنا نجيب عربية إسعاف تقف جنب الحفرة عشان تنقل الـ يقع على طول، التالت رد وقال طب ما نردم الحفرة دي ونحفر واحدة تانية جديدة جنب أي مستشفى.

إقرأ أيضاً نكت مضحكة

اقرأ أيضًا: نكت مضحكة موت قصيرة

نكت مضحكة للأصدقاء

واحد بيسأل واحدة عن اسمها فردت وقالتله دارين وأنت؟ قالها لا دار واحد مطبخ وحمام.
قهوجي ربنا رزقه ببنت سماها شاي ماء.
مدرس موسيقى حب يتجوز بنت زميلته فراح لأبوها وقاله يا عمي أنا طالب الأورج منك.
ليه الصعيدي لما بينام بيحط منبهين جانبه؟ علشان لما منبه يضرب التاني يحوش.
مرة واحد كان عايز يفكر بعمق فنزل في بير عشان يعرف يفكر.
طفل بيسأل والده بابا هو أنا ينفع أتجوز تيته؟ فرد أبوه قاله لا طبعًا وزعقله فالولد قاله لية يعني ما أنت متجوز أمي ومزعلتش منك.
واحد بيقول لخطيبته أنا شوية وهجيلك وأول ما أزمرلك تنزليلي فقالتله أنت جبت عربية! قالها لا جبت زمارة.
حرامي دخل يسرق بيت فبعد ما خلص ووهو طالع من البيت لقى عيل صغير بيقوله يا تسرق شنطتي والكتب بتاعة المدرسة والدروس يإما والله هصرخ وألم عليك الناس.
مسطول سأل واحدة اسمك ايه؟ قالتله أسماء، قالها: يعني ما فيش اسم محدد.
بيقولك مرة جبنة حبت تزغزغ جبنة تانية قالتلها كيري كيري كيري.
بيقولك مرة واحد أحول جه يعيط قام مريل.
واحد محشش ماشي في الشارع قابل واحد قاله أزيك يا عادل عامل أية شكلك متغيير كدا ليه؟ قاله أنا مش عادل قاله وكمان غيرت اسمك!
واحد واقف فوق كوبري وعمال يقول 55 55 55 فواحد راح سأله أية حكاية الـ 55 دي قاله تعالى هقولك وقام رماه من فوق الكوبري وبدأ يقول 56 56 56.
بيقولك تعبان نظره ضعيف حبّ واحدة طلعت خرطوم.
مرة واحد رخم نزل الشارع ووقف قدام عمود النور ووقف يزعقله ويقوله عديني.
مره واحد مسطول ماشي مع حبيبته في الشارع البنت شافت ابوها فقالت يالهوي بابا بابا قالها متخافيش قوليله إني أخوكي.
محشش وقف سواق تاكسي وسأله فاضي ياسطى قاله أة قاله شوف حاجة تسليك.
واحد محشش بيصلي صاحبه اتصل بيه قاله فينك؟ رد عليه وقاله في الركعة التانية بين أيدين ربنا.
محشش سايق العربية حب ينزل منها لقى الدنيا بتمطر فقفل الباب ونزل من النحية التانية.
واحد نام متأخر لقى الحلم بدأ.
واحد خطب واحدة واشترى الدهب فأهل البنت اتصلوا بيه قالوله تعالى لبسها الدهب قال يا خسارة الفلوس كنت أشتريتلها بنطلون أرخص.
مرة بنت اسمها ناهد عمارة نطت من فوق أبوها ماتت.
بيقولك صيدلانية ماتت من الخضة وكل دا عشان شافت فارمسي على الحيطة.
واحدة سايقة العربية وفاتحة الـ Gps ف الأبلكيشن بيقولها انحرفي قليلًا قامت قلعت الطرحة.
واحد غبي راح يقدم على وظيفة، فسأل المدير المرتب كام؟ المدير قال له المرتب 2000 جنيه وبعد سنتين هيكون 5000 جنيه، الغبي قال له خلاص هبقى اجي بعد سنتين.
واحد محشش ومعاه مراته فركبوا تاكسي وقال لمراته تقعد قدام جنب السواق عشان ميعرفش يبص عليها في المراية.
مسطول راح لدكتور سنان فالدكتور بيقوله أسنانك محتاجة يتعملها تقويم فالمسطول رد عليه ماشي يا دكتور بسيطة قولي بس التقويم دا هجري ولا ميلادي.
واحد مراته راكبة معاه العربية فلما وصلوا نزل فتحلها الباب ففرحت بيه جدًا وقالتله ياه قد أية أنت رومانسي قالها اسكتي الباب مبيتفتحش غير من برا.
محشش راح المحكمة فالقاضي بيسأله أنت متجوز مين؟ رد عليه المحشش وقاله واحدة ست يا فندم فالقاضي قاله أنت هتهزر معايا! هو في حد بيتجوز راجل؟ رد عليه المحشش وقاله أة يا فندم اختي متجوزة راجل والله.

إقرأ أيضاً نكت محششين

اقرأ أيضًا: نكت مضحكة

نكت بايخة وسريعة

مدرس بيقول لطلابه يعيش القرد في جنوب إفريقيا فردوا عليه وقالوا يعيش يعيش يعيش.
مدير مدرسة بيسأل مدرس عنده هو ليه كل الطلاب الـ في فصلك بينطقوا حرف الجيم دال؟ قاله والله يا فندم مش عارف وهو دا الهيدنني.
اتنين محششين واحد بيقول للتاني أمريكا طلعت القمر واحنا لازم نكون أحسن منهم فاحنا نطلع الشمس فرد عليه صاحبه قاله بس الشمس حر جدًا قاله خلاص نطلعها بليل سهلة أهي.
واحد مسطول الدكتور قاله أنت لازم تبعد عن الأكل شوية فالمسطول بقا بياكل بمعلقة طويلة عشان يبعد عن الأكل.
محشش وقع من على السلم فالدكتور كتبله على مرهم كعلاج وقاله ادهن مكان الإصابة فالمحشش أخد المرهم وراح دهن بيه السلم.
واحدة راحت للدكتور وبتشتكيله وبتقوله يا دكتور أنا جوزي بيتكلم وهو نايم ايه الحل معاه؟ قالها سهلة أديله فرصة يتكلم وهو صاحي.
غبي اتشرى تاكسي فطول ما هو ماشي الناس تنادي عليه وتشاورله وتقوله تاكسي تاكسي يضحكلهم ويقولهم أة عارف.
حرامي دخل بيت ست كبيرة عشان يسرقها فاستخبى في الدولاب وفضل مستني أكتر من 3 ساعات عشان تنام ولما نامت قعد يدور في البيت على حاجة يسرقها ملقاش حاجة فنكشلها شعرها ومشى.
بخيل أبوه مات وكان عايز يكتبله نعي في جريدة فسأل أية أقل تكلفة عندكوا قالوله خمس كلمات فقالهم يكتبوا “عاطف ينعى والده” فقالوله لسة فاضلك كلمتين قالهم اكتبوا ” وبيصلح غسالات”.
واحد خلقه ضاق فداه لأخوه الصغير.
واحدة اسمها ساندي دخلت كلية الهندسة فبقى اسمها ساندي متر مربع.
مدرس كيمياء خلف ولد سماه سامي أكسيد الكربون.
مهندس حب يسيب الشغل قالهم أنا مستطيل.
واحد نجار عجبه بوست راح مشنيره.
واحد نقاش بنته تعبت راح مسنفرها برا.
بيقولك واحد جبان عايز ينتحر وخاف ينط من الدور العاشر فطلع للدور الخامس ونط منه مرتين.
مرة واحد قصير بيشتكي إن أهله مش بيخلوه يدخن في البيت ودا عشان خايفين على العفش بدل ما يتحرق.
مره حمار في فرح أسد سأله الأسد أنا معزمتش حمير ايه جابك فرحى، قاله أنا كنت أسد مثلك بس لما تزوجت بقيت حمار.
واحد اسمه نادر اتجوز واحدة اسمها فريدة خلفوا عيل بقى مهدد بالإنقراض.
واحدة بتسأل جوزها بتقوله نفسي أعرف أيه الـ بينك وبين ربنا عشان يكرمك بزوجة زيي، قالها والله ما عارف أنا حتى مكنتش بصلي.
واحد مسطول متجوز واحدة صينية وعلى طول قاعد ساكت ومبيكلمهاش فلما سألته عن السبب قالها هو أنتِ صاحية دانا فاكرك على طول نايمة.
مرة عشرة محششين هربانين من الشرطة فلما الشرطة لقت مكانهم في منهم خمسة هربوا والخمسة التانيين استخبوا جوا عربية الشرطة.

إقرأ أيضاً نكت مضحكة موت قصيرة

اقرأ أيضًا: أجمل نكتة تضحك

نكت تضحك من القلب

أحول سألوه أمنيتك في الدنيا أيه؟ رد عليهم وقالهم إني أشوف واحد ماشي في الشارع لوحده.
واحد بخيل راح يزور أمه في المستشفى لقى الباب مكتوب عليه ادفع فأخد نفسه ومشى وقال أبقى أزورها لما تروح البيت بقا.
مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا.
مأذون مش لاقي شغل فطلق مراته.
واحد كهربائي اتجوز أربعة فجابلهم مشترك.
حلاق وابنه بيتفرجوا سوا على ماتش كورة فالولد سمع المعلق بيقول وشاطها بمشط رجله وجات في المقص وجون فقال لأبوه هما مالهم دول يابا هما بيلعبوا في العدة بتاعتنا ولا أيه؟
مرة واحد أسمه أنس وواحدة اسمها لين اتجوزا وخلفوا بنت سموها أنسولين.
واحد راح للسوبر ماركت قاله عندك معلبات رد عليه ايوه قاله طب اديني علبة كبريت.
واحد بلديتنا طوبة جت في صدره بص وراه.
مدرس لغة عربية طلب من طالب عنده إنه يحط كلمة سكر في جملة، فالطالب قاله شربت كوبًا من الشاي فالمعلم سأله فين كلمة سكر في الجملة؟ رد الطالب بإن الطبيعي يكون السكر في الشاي.
أرنب بيسأل أرنبة هو أنتِ بتشتغلي؟ قالتله لا أنا Rabbit منزل.
حسنة وسيئة راحوا البحر فالحسنة غرقت والسيئة لا ودا عشان السيئة بتعوم.
سكران ماسك الفرخة بتاعته وعمال يضرب فيها ويقولها هو كل يوم بيض بيض بيض مفيش مرة تنزليلي جبنة ولا فول.
مسطول في حصة إنجليزي.. سأله الأستاذ لو عايز تقول لواحد: تعال هنا؟ بالانجليزي تقوله ايه، قال له المسطول: come here، قال الأستاذ طيب وإذا بتقول له روح هناك؟ قال المسطول أروح هناك وأقول له: come here.
واحدة صحيت من النوم مخضوضة جوزها سألها مالك في ايه؟ قالته حلمت بكابوس إني اترملت، قالها بعد الشر يا حبيبتي إن شاء الله أنا ولا أنتي.
أستاذ بيقول للطلاب أنتم مصابيح المستقبل، بص تلميذ لزميله لقاه نايم فقال التلميذ: يا أستاذ اللمبة اللي جمبي اتحرقت.
أستاذ عربي بيسأل مراته تعرفي ايه عن الصرف والنحو؟ قالت له أني أصرف مرتبك على النحو اللي يرضيني.
نمر بيجري ورا عربية ودا عشان كان عايز يعاكس النمرة.
مرة واحد لقى صاحبه قاعد في حفرة قاله قاعد هنا ليه، قاله محتاج أفكر بعمق شوية.
واحد بيسأل صاحبه انت بتعيط ليه؟ قاله حماتى عايزة تنط من البلكونة فقاله وانت زعلان اوى كدة علشانها! قاله لا طبعا بس الشباك مش عايز يتفتح.
واحد تايه بيسأل واحد ماشي في الشارع وبيقوله أية أقرب طريق أروح بيه المستشفى؟ قاله غمض عينك وعدي الشارع.

تشتهر الشعوب العربية بخفة الظل والنكات الطريفة التي من شأنها إخراج الشخص من أي حالة نفسية سيئة قد يقع فيها، ولهذا فإن الغرض الرئيسي والوحيد منها هو الحد من المصاعب اليومية التي يمر بها المرء.