عادة ما يبحث الأشخاص في التجمعات العائلية عن النكات المضحكة بهدف الترفيه والاستمتاع وكذلك في أي تجمع للأصدقاء والأحباب، لذلك جمعنا لكم أجمل نكتة تضحك في هذا المقال.
أجمل نكتة تضحك
إليك أكثر من نكتة تضحك في السطور التالية:
- بيقولك واحد بيقول لأخوه خلي عندك أمل لحد بكرة رد عليه لا يا عم خليها عندك انت لاحسن أبويا يقفشنى.
- بيقولك واحد غبي النت عنده فصل راح اتصل بالشركة وقالهم النت مش شغال قام الموظف سأله كام لمبة منورة عندك قام قاله له المطبخ والحمام.
- بيقولك مرة واحد راح يبدأ شغل سأل المدير وقاله المرتب كام قال ألف جنيه وبعد سنة تلات آلاف جنيه قال له خلاص هبقى اجي السنة الجاية.
- بيقولك مرة واحد شاف ست في الشارع قالها انتي لابسة نضارة ليه هو انتي مبتشوفيش؟ قالتله له لا عينيا عجباني وعايزة ابروزها.
- بيقولك واحد حب يعمل مفاجأة لزوجته قام طلقها.
- بيقولك واحد اتصل على رقم الشرطة وقال لهم النجدة معايا قاله الظابط ايوة ازاي أساعدك.. قال له في خمسين واحد مقتول وأنا مرعوب جدا، راح الظابط سأله قولي مكانك فين بسرعة قاله على قناة mbc2.
- بيقولك يا ترى ايه الفرق بين الفيل والنملة؟ الإجابة: الفيل رجله بتنمل والنملة رجلها مش بتفيل.
- نكتة بتقول واحد صاحبه وقع جوا البير قام راح يستناه عند الحنفية.
- بيقولك بخيل حزين سألوه حزين ليه؟ قالهم المشط سنه اتكسر قالوا له عادي متسرح من غيره قالهم لا مهو كان السن الأخير.
- نكتة بتقول دكتور أطفال اتجوز دكتورة أطفال أعلنوا عن جوازهم في مجلة ميكي.
- نكتة بتقول مرة صيني اتجوز صينية خلفوا طقم كاسات.
- مرة طالب كسول دخل الامتحان وقع منه القلم قام سلم ورقته.
- بيقولك مرة واحد خلقه ضاق قام اداه لأخوه.
شاهد أيضًا: أفضل الأسئلة والأجوبة المتنوعة
نكت قصيرة مضحكة
إذا أردت قراءة أجمل نكت قصيرة مضحكة تابع الآتي:
- بيقولك مرة راجل شاف أخوه التوأم، قال أنت فينك من الصبح أمي خلتني استحمى مرتين.
- مرة واحد شاف هندية على قورتها نقطة حمرا قالها يا مدام خلي بالك انتي بتسجلي فيديو.
- مرة راجل ندل اتجوز وحدة طولها قصير كل ما تزعله بيروح يرفعلها مكياجها فوق الثلاجة.
شاهد أيضًا: أفكار مشاريع منزلية مربحة للرجال برأس مال صغير
نكت جديدة مضحكة
للحصول على أجمل نكت جديدة مضحكة تابع ما يلي:
- بيقولك فيه واحد دخل الامتحان ومعه معلقة ياترى ليه؟ علشان يقلب بيها أفكاره.
- مرة شلة صحاب دخلوا على المطعم يزغردوا ياترى ليه؟ عشان عايزين يطلبوا عرايس.
- مرة مذيعة في التليفزيون بتسأل واحد غبي أحمد زويل اخد جايزة نوبل فى ايه قالها فى علبة قطيفة لونها أحمر.
نكت طويلة مضحكة
إذا رغبت في قراءة أجمل نكت طويلة مضحكة تابع هذه السطور:
- بيقولك مرة ست بتقول لزوجها نفسي آكل مرة برا البيت، قام قالها جوزها خلاص أكلك اهو خديه واقعدي برا على السلم.
- بيقولك مرة واحد بيسأل بياع الخضار وقاله عندك فاصوليا خضرا؟ قاله لا، قام قاله ايه الألوان اللي موجودة عندك.
- بيقولك مرة واحد مدير مدرسة بيقول للأستاذ يا ترى ليه كل الطلبة عندك في الفصل بينطقوا الجيم دال.. قام رد عليه وقاله مش عارف مهو ده اللي مدنني.
- نكتة بتقولك مرة واحد غبي فتح محل ملابس.. وجاتله واحدة قالت له عايزة تيشرت ولادي هو لابني اللي في تانية ثانوي، رد عليها وقال لها علمي ولا أدبي.
- نكتة بتقولك مرة واحد من الخليج دخل يحلق عند واحد حلاق مصري طلع أقرع يا ترى ليه؟ عشان كل ما الحلاق يقله تمام كدا؟ الراجل الخليجي يرد عليه: والله ما قصرت.
- بيقولك مرة واحد غبي مراته بتسأله أنت ليه مبقتش بتعزمني على أكل بره زي قبل كدا؟ قام قال لها معلش انا ما بخرجش مع ستات متجوزة، قالت له أنا مراتك يا عم قال لها أنا آسف معنديش استثناءات كل الناس زي بعض.
- نكتة بتقولك مرة راجل بيقول لمراته عايز اعترفلك بحاجة الصراحة قالت له قول قالها أنا بحب هاينز قالتله وأنا بحب هيثم قالها هاينز دى صلصة قالتله وهيثم ده مربى، قامت ولعت الخناقة.
- نكتة بتقولك مرة واحد شغال مدرس كيميا مراته خلفت ولد سماه سامي أكسيد الكربون.
- بيقولك مرة واحد غبي قفشوه قاعد في وسط الصحراء ماسك خفاش وبيقوله منك لله أول مرة اشوف فار لابس عباية.
- بيقولو مرة واحد غبي قاعد يتفرج على ماتش ريال مدريد سمع المعلق يقول فاول لصالح رونالدو قام قال أنا أول مرة أعرف إن اسم رونالدو أوله صالح.
- نكتة بتقولك مرة واحد غبي مسك قطعة ثلج وقعد يسأل نفسه ويقول نفسي أعرف بتنقط منين المياة دي.
وفي النهاية نكون قد قدمنا لكم باقة لأكثر من نكتة تضحك، يمكنكم أن تشاركوا بها في تجمعاتكم العائلية أو تجمعات الأصدقاء لتزيد من أجواء الاستمتاع والترفيه لكل الحاضرين ويعلو الضحك بينكم.
